Ho har vore på tiggarferd til Statoil for å be selskapet om pengar.
– Dei opnar for å bruke pengar frå Gjøa-avtalen, og eg har stilt meg positiv til det. Men eg påpeikar at ein gjerne såg at Statoil gjerne kunne gå inn med friske midlar, seier Kjelsnes.
Høgskulen i Bergen
Fylkesordføraren ber Statoil om pengar til Subsea-utdanninga i Flora. Bakgrunnen er at Høgskulen i Bergen stiller krav om støtte på 2,5 millionar kroner for 3. kull. Skulen manglar fullfinansiering av 10 plassar.
Statoil er positive til å støtte utdanninga gjennom Gjøa-avtalen, der det vert opna for å bruke pengar til slik utdanning.
Men i eit brev til Statoil ber fylkesordføraren Statoil om å finne "friske" midlar til utdanninga, slik dei gjer med ei Subsea-utdanning i Kristiansund.
– Tøffe tider
– Det er tøffe tider i petroleumsbransjen. Men det er viktig å sjå lenger fram og legge til rette for rekruttering. Denne bransjen kjem til å vere viktig for Sogn og Fjordane og for Norge i fleire tiår framover og då er rekruttering viktig.
Kva om ein ikkje får pengar?
– Eg reknar med at når vi er positive til å bruke pengar frå Gjøa-avtale, så stiller Statoil opp. Noko anna ville forundre meg stort.
- Les også:
Kjelsnes reknar med å få ei avtale med Statoill på plass og håpar på sikt at det vil komme på plass ei offentleg finansieringa av studiet til neste opptak.