Magni Øvrebotten er oppvaksen i Botnane i Bremanger, og gjekk sine journalistiske læreår hjå legendariske Per Håland i Gula Tidend.
Ho er kjend som ei tøff dame, ikkje minst kom det godt med då leiinga i NRK ville slå NRK Sogn og Fjordane med NRK Hordaland.
I 1987 var Øvrebotten redaksjonssjef, og var mellom anna å sjå på fjernsynsskjermen som utspørjar på valsendingane. (Foto: NRK © 1987)
Nynorskforkjempar
Øvrebotten har og gjort mykje for å få fram nynorskbrukande journalistar, og no får ho denne oppgåva på heiltid som sjef for Nynorsk mediesenter.
Magni Øvrebotten var gjest i Onsdagsportrettet i føremiddagssendinga til NRK Sogn og Fjordane.