Politiet og AMK fekk nok å henga fingrane i då rundt 1000 ungdomar samla seg til fest på Sanden i Naustdal i vår. Politiet har etterforska åtte valdsepisodar i etterkant, og før helga vart ein 20 år gamal mann dømd til fengsel i 36 dagar.
- LES OGSÅ:
Festen, der både russ og andre deltok, kom heilt ut av kontroll. Det var ikkje noko vakthald der, og AMK fekk heile 26 naudtelefonar frå festen og hadde 11 utrykkingar.
- LES OGSÅ:
Den tiltalte 20-åringen nekta for at det han var som slo og sparka fornærma, men retten stolte på vitna i saka. Spesielt eitt vitne som såg hendinga på kort hald har retten lagt lit til.
Den tiltalte seier han kom til Sanden mellom 21.30 og 22.00. Han hadde drukke 12 øl og litt brennevin.
- LES OGSÅ:
Han seier han var innblanda i noko knuffing med nokon andre, men nektar for å ha vore innblanda i valdshandlingar denne kvelden.
Men retten festa full lit til eit vitne som var på kort avstand frå valdsepisoden.
Den fornærma fekk to slag i ansiktet og då han fall ned på alle fire, sparka tiltalte han i magen. Resultatet vart skrubbsår og blåmerker, og han fekk store smerter i hovudet og ribbeina.
20-åringen er bøtelagd for lekamskrenking to gonger tidlegare, og no må han also sona 36 dagar i fengsel.