Lynet slo ned i flyet til Fannemel

– Det small noko sinnsjukt og byrja å blinke. Eg har aldri opplevd liknande, seier Anders Fannemel til tv2.no.

Landslaget i hopp var på veg til Sochi, der dei skal teste normalbakken som skal brukast under OL, då lynet slo ned i flyet under innflyginga.

Episoden skal ifølgje TV2 ha skjedd på torsdag, og dagen etter hadde hopparane fått dramaet litt på avstand.

Men då lynet slo ned, trudde passasjerane at motorane hadde gått i lufta.

– Eg har sete på med «cowboyfly» før, men har aldri opplevd liknande. Det er klart ein blir litt ekstra usikker då, forklarer Fannemel overfor nettstaden.

• LES OGSÅ: Gull til Fannemel i NM
• LES OGSÅ: Fannemel er årets skiflygar i verda
• LES OGSÅ: Her er Anders 12 år. Åtte år seinare gjer han tidenes nest beste skihopp
• LES OGSÅ: Hoppa nesten til ny verdsrekord

Anders Fannemel og resten av hopplandslaget skal i helga delta i verdscupen i Sochi.