Klar med første plate
Gruppa Tyyl! gir i slutten av månaden ut si første langspelplate med tittelen "Ber Bod." Dei fire karane i bandet har fått mykje merksemd fordi dei skriv og framfører tekstane sine på klingande sognemål.
Les og;
Les og;
- Skil oss frå dei andre
- Eg trur dialekta er med på å skille oss ut frå alle andre rockeband. Tekstane og dialekta er med på å gi konsertane våre ei unik stemning. Med titlar som "Trø meg ned i driten" og "Heimalamb," hugsar folk oss seier Torkjell Solbraa som er gitarist og ein av vokalistane i Tyyl!.
(Artikkelen held fram under biletet.)
- Set ikkje grenser
- Du trur ikkje at dialekta kan sette grenser for bandet då?
- Nei, no satsar ikkje vi internasjonalt. Så for vår del trur eg dialekta berre er ein styrke. No er det jo også band som syng på sognedialekt som har internasjonal suksess. Til dømes Vreid. Så det er slett ikkje umogleg, men det er ikkje der vi har fokuset vårt, seier Solbraa til NRK Sogn og Fjordane.
Lang plateinnspeling
Nett no er bandet spent på hausten. I månadsskiftet kjem endeleg debutplata ut. Plateinnspelinga har tatt lang tid. Mellom anna fordi studioet vart stengt på grunn av asbestfunn.
Les og;
Sjå og;
Bandet prøver seg også på Fylkestoppen til NRK Sogn og Fjordane 19. august med låta "Høyr Itte" frå den kommande plata.
Tyyl! er: Håvard Øyrehagen - vokal og gitar, Vegard S. Loftesnes - bass, Jon Landsem - trommer, Torkjel Solbraa - gitar og vokal.