Det er Luttredaksjonen i NRK Sogn og Fjordane som deler ut prisen kvart år. Vinnaren er stemt fram av 17000 røyster frå lyttarar, samt ein breidt samansett fagjury.
- LES OG:
- LES OG:
Suksessfult år
Fagjuryen trekker fram Eva si evne til å skrive gode poplåtar og formidle dei på ein sterk og musikalsk måte som når eit breidt publikum.
I fjor var det folkemusikaren Sigrid Moldestad som fekk tildelt prisen under Julelutt i Operahuset Nordfjord.
– Eva som skriv mange av låtane saman med ektemannen Thomas Stenersen, har ei av dei beste popstemmene i Norge. Ho har lagt bak seg nok eit suksessfult år. I februar gav ho og bandet Eva & The Heartmaker ut plata «Dominoes», der fleire av spora har vore blant dei mest spelte i norsk radio.
Får 25 000 kroner
Norske platemeldarar likte Dominoes, og trykte sogndølen til sitt bryst både som vokalist og låtskrivar. 26-åringen frå Sogndal har gjesta dei største festivalane i Norge, men også vore sterkt synleg på scenene i heimfylket, meiner juryen.
Dei legg også vekt på at ho og bandet er blitt lagt merke internasjonalt av MTV og Italienske musikkelskarar, så vel som meldarar i New York Post.
Luttprisen er eit kunstdiplom av Oddvar Torsheim og eit stipend på 25.000 kroner frå Sparebanken Vest. Prisen vart utdelt av distriktsjef i NRK Sogn og Fjordane Rolf Sanne-Gundersen.
Juryen
I juryen sat Arnt-Ivar Naustdal frå Malakoff Rockfestival, Jan Inge Fardal i Sogn Avis, Atle Stalheim i Sparebanken Vest, Ronny Brede Aase i NRK P3, Øyvind Lyslo i Sogn og Fjordane fylkeskommune og Stein Aase i NRK Sogn og Fjordane.