– Det blir litt arbeid framover, men litt ut i desember roar det seg, seier Peder Stave.
Lutefiskprodusenten og fiskemottaket Per Stave AS, som held til ved det frodande Stadhavet, har hendene fulle med å sørgja for at nordmenn, svenskar og finnar får julematen sin.
FAR OG SON: Rune Stave (t.v.) er dagleg leiar i Per Stave AS. Peder Stave er formann/kvalitetsansvarleg i familiebedrifta.
Foto: Harald Kolseth / NRK500 tonn i Sverige og Finland
Lutefisk er tradisjonell julemat i både Noreg, Sverige og Finland. I 2016 åt nordmenn 2315 tonn lutefisk, i følgje Norsk Sjømatråd. Ein tredjedel av det vart ete i julehøgtida.
Til den norske marknaden leverer Per Stave AS mellom 200 og 250 tonn lutefisk. Til Sverige og Finland leverer dei tørrfisk til å laga det dobbelte.
– I Sverige og Finland brukar dei ei litt anna oppskrift på lutefisk. Dit sender me tørrfisk som dei lutar sjølv, seier Peder Stave, kvalitetsansvarleg hjå Per Stave AS.
- Les også:
I Noreg er det kaustisk soda som vert brukt til å laga lutefisk. I Sverige og Finland brukar dei krystallsoda og kalk, ifølgje Rune Stave, dagleg leiar i bedrifta.
– Det gjer at lutinga tek litt lenger tid. Så all tørrfisken me leverer til dei landa, har me allereie sendt frå oss, seier han.
FØR OG ETTER: Lutefisk frå Stad er populær julemat i Sverige og Finland.
Foto: Harald Kolseth / NRKTenker allereie neste år
Før årets lutefisk er komen på bordet, er dei allereie i gang med å førebu neste års festmåltid.
– Me kjøpte inn eit parti med fersk fisk no som skal tørkast. Det skal bli lutefisk jula 2019, seier Rune Stave.
– Er det lutefisk som blir servert heime på julaftan?
– Hehe, nei, det er nok pinnekjøt på julaftan, seier han.
