Det er VG som fortel om saka i dag.
Det er funne lus i Lærdalselvi, elva som kong Harald har omtala som ei av sine favorittar når han skal utøve favorittsporten sin.
– Det er dessverre all grunn til å slå alarm. Vi har ei ruse der vi fangar fisk for å kontrollere lusenivået i Sognefjorden, og den syner at talet på lus har auka dramatisk i år, seier prosjektleiar for villaks i Norges Jeger- og Fiskerforbund, Alv Arne Lyse til VG.
- LES OGSÅ:
- LES OGSÅ:
Talet på lus har auka drastisk
Lyse fortel til avisa at ein tidlegare har funne rundt ti lus på fisken.
– Men i det siste har det vore over 100 lus per fisk i snitt, seier Lyse.
Funna gjeld sjøaure i Sognefjorden, men når det er så mykje lus i fjorden, er Lyse redd for kva dette til sjuande og sist vil betyr for villaksen i Lærdalselvi inst i Sognefjorden.
Lyse seier til VG at dette skjer på det verst tenkjelege tidspunktet for villaksen.
– Laksesmolten går frå elvane no og skal bevege seg gjennom desse farvatna. Det er stor fare for at dei vil få masse lus, seier Lyse.
Laks med over tjue lus vert rekna som dødeleg smitta.
- LES OGSÅ:
- LES OGSÅ:
Kjem truleg frå oppdrett
Lyse seier til VG at lusa kjem frå oppdrettsanlegga i fjorden.
– Når det er millionar laks berre i eitt anlegg, seier det seg sjølv at det ikkje skal så mange lus til for å skape problem for villaksen, seier Lyse.
- LES OGSÅ:
Vil opne for fiske
Tidlegare i år vart det klart at Lærdal elveeigarlag ønskte å opne for ordinært laksefiske i Lærdalselvi for første gong på 17 år.
Elva, som ofte vert omtala som «dronninga mellom lakseelvar» har slite tungt med lakseparasitten Gyrodactylus salaris.
Smitten vart oppdaga i 1996, og til store protestar frå mellom andre Norges Miljøvernforbund vart fisken i heile Lærdalsvassdraget totalt utrydda med rotenon i 1997.
Arbeidet med å bli kvitt parasitten har vore langvarig og tidkrevjande.
