Biletet viser ein FSF-båt som har lagt til kai i Balestrand, og det er mykje folk både på land og ombord.
– Vi har masse gamle bilete liggande i eit arkiv, og då eg skulle rydde litt i det fann eg dette biletet. Eg sat lenge og såg på det, det var trekt opp eit slags segl med skrift på, men det var uråd å lese kva som stod der.
Då la ho biletet inn på Facebook-sida si og skreiv: «Gamalt bilde frå kaien. Kva er det som skjer her? Kongebesøk?».
– Dermed tok snøballen til å rulle, og han rulla både vel og lenge.
Høgre-landsmøtet i 1924
Dei fann ut at ein av dei som stod på kaia og venta var Sigurd Kvikne, som er far til mannen til Mulla, Per Kvikne. Dottera til Mulla, Marta Kvikne, vart involvert i detektivarbeidet, det same vart Hermund Kleppa og Klaus Einar Thue.
– Det var mykje att og fram, nokon meinte det kunne vere frå avdukinga av støtta til Fylkesbaatane som står ved hotellet. Men det kunne ikkje stemme. Til slutt fann dei ut at det måtte vere frå eit Høgre-landsmøte som var her i 1924.
Og det viste seg å vere tilfelle. Sigurd Kvikne var sjølv Høgre-politikar og vart 11 år seinare vald til ordførar i Balestrand, men han døydde kort tid etterpå.
– Då tok Marta kontakt med Per Olav Bøyum på Fylkesarkivet. Han fann eit utklipp frå Aftenposten frå 1924 med omtale av landsmøtet til Høgre og med eit bilete av Kvikne´s Hotel på framsida, fortel Mulla Kvikne.
400 utsendingar
Og landsmøtet til Høgre sette så avgjort sitt preg på vesle Balestrand. Det budde 220 delegatar på hotellet, 50 ombord på «Kommandøren» og resten budde privat og på Kvammen Hotel. I alt var det 400 utsendingar frå heile landet
For båten på biletet er gode gamle «Kommandøren», og dei som har studert biletet inngåande har funne ut at det står «For Norge» på seglet ved landgangen.
Per Olav Bøyum fann mykje artig då han tok til å leite i avisarkiva til Nasjonalbiblioteket. Nordre Bergenhus Amtstidende melde 13. juni 1924 om ei stor tilstrøyming til Balestrand, over 400 delegatar var påmelde, skriv Bøyum i ein artikkel i Kjelda, utgitt av Fylkesarkivet.
«Sprøyta fulle heile kula»
Men det var slett ikkje berre vellæte. Ein innsendar som kalla seg H.M. skreiv eit innlegg i Sogns Tidend:
Også redaktøren i Sogns Tidend, Jens Kvåle, hengde seg på og skreiv:
– Det var krasse skuldingar dette, det var ein høgremann frå Høyanger, Olav Sæbøe, som var med på landsmøtet. Han skreiv eit innlegg i avisa der han dementerte påstandane. Litt seinare kom og hotelleigar Sigurd Kvikne på bana og avviste det heile som rykte og baktaling, seier Per Olav Bøyum.
Og det enda med at H.M. måtte seie seg lei for at han hadde kome med desse skuldingane.
– Imponert over kunnskapen
For historikaren Bøyum har leitinga i arkivet til Mulla Kvikne gitt ny kunnskap.
– Eg må vedgå at det var nytt for meg at Høgre hadde landsmøte ti Balestrand i 1924. Det visste eg ikkje før eg tok til å sjå nærare på denne saka.
– Så det gir resultat at folk leitar mellom gamle bilete og brukar Facebook for å finne ut kva bileta viser?
– Ja, eg må seie at eg er veldig imponert over kunnskapen ute blant folk. Det kom utruleg mange gode tilbakemeldingar på Facebook. Det er kjekt å sjå kor stor interessa for gamle dagar er.