I vinter skal det bli enklare å ta seg fram på gang- og sykkelvegane. Vegvesenet vil no i sterkare grad prioritere desse vegane.
-Det skal brøytast når det har komme tre centimeter på vegnettet, fortel Rune Skår, ingeniør i Statens vegvesen.
Før klokka seks
I første omgang vil gang- og sykkelvegane i Høyanger, Vadheim, Førde, Jølster og Sandane bli brøyta. Ei liknande ordning vil også komme i indre Sogn.
-Vegane skal vera rydda før klokka seks om morgonen, lovar Skår.
Til neste år vil også vegane i resten Nordfjord komme med i ordninga.