Auka kompetanse hos jegerane og opning for meir bruk av snøskuter er nokre av lovnadane statsråd Tine Sundtoft (H) leverte då rovdyrpolitikken vart tema under dagens spørjetime.
– Sjansane er store for at det også neste år vil komme rovvilt inn i prioriterte beiteområde også neste år. Eg vil syte for at forvaltninga også har høg beredskap for å ta ut rovdyr som utgjer skadepotensial, sa Sundtoft.
Krevjande forvalting
Stortingsrepresentant Liv Signe Navarsete (Sp) viste til jerven sine herjingar i Indre Sogn då ho bad Sundtoft svare på kvifor ho ikkje syter for at rovdyra blir tekne ut.
For det såkalla rovdyrforliket i Stortinget konkluderer med at det ikkje skal vere ynglande jerv og ulv i Sogn og Fjordane. Enkeltdyr skal takast ut dersom dei gjer skade på husdyr.
– Det er krevjande å forvalte to motstridande interesser. I sommar har det også vore nesten samanhengande skadefellingsforsøk på jerv i Sogn og Fjordane. Dette er svært krevjande, sa Sundtoft.
Har mist 400 sauer
I Sogn har ein i fleire månader prøvd å ta ut jerven som truleg
.Forsøka frå dei lokale jegerane har ikkje oppnådd resultat i form av felling.
- LES OGSÅ:
– Skadar på husdyr i prioriterte beiteområde har også samanheng med at rovvilt beveger seg svært raskt over store område. Rovvilt kan difor på kort tid vandre inn i prioriterte beiteområde. Når dette skjer i beitesesongen, hjelper det lite at Statens Naturoppsyn i forkant har tatt ut dyr som oppheldt seg i område, sa Sundtoft.
Lettare å bruke bås
Sidan lisensjakta så langt ikkje har vore god nok, lova difor statsråden auka innsats og meir effektiv jakt.
(Artikkelen held fram under biletet)
Sundtoft ynskjer også å gjere det lettare å kunne nytte jervebås i jakta.
- LES OGSÅ:
– I første rekkje, gjennom auka kompetanse hos jegerane. Vidare vil eg vurdere å opne noko meir for bruk av snøskuter til uttransportering av åte og jervebås, samt opne for å innhente praktisk erfaring med bruk av kunstig lys og åte for jerv, sa statsråden.
Flytte grenser
Navarsete peika på at hovudproblemet er at rovviltnemnda for områda i Oppland har flytta grensa for ynglande jerv heilt til fylkesgrensa mot Sogn og Fjordane.
Rovviltnemnda i vårt distrikt
.- LES OGSÅ:
- LES OGSÅ:
– Då er mitt spørsmål til statsråden at konflikten mellom rovviltnemnder som har ulike synspunkt skal løysast? Kven skal avgjere dei? Og kvifor vil ikkje statsråden rydde opp i dette problemet, som har gitt stor vekst av jerv i eit område som skal vere rovdyrfritt, og dermed ta det ansvaret ho har som forvaltar av rovdyrpolitikken i Norge, spurte den tidlegare senterpartileiaren.
Vil avgrense konflikten
Sundtoft svara på si side at ein jobbar tett mot rovviltnemndene for å avgrense konflikten i rovdyrpolitikken og at ho meiner den rette vegen å gjere det på er gjennom lisensjakta.
- LES OGSÅ:
– Det stortinget har sagt er at det ikkje skal vere rovdyr som representerer eit skadepotensial. Difor gjer vi no meir med å ta ut dyr i forkant av sesongen, og vi gjer meir gjennom lisensfellinga. Og vi er i god dialog med rovviltnemndene også på framtidige grenser mellom rovviltområda, sa ho.