Regjeringa opnar for å endre funksjonane ved sjukehusa i den neste fireårs-perioden. Dette sa Navarsete under presentasjonen av den nye regjeringserklæringa i ettermiddag.
- Det er slege fast at lokalsjukehusa skal oppretthaldast, det er veldig viktig. Vi skal ha ei funksjonsfordeling, det er vi i Senterpartiet heilt klare på.
Vil tilføre tenester
Navarsete seier det må vere slik at dei største sjukehusa tek seg av dei mest spesialiserte tenestene.
- Men vi ønskjer å tilføre tenester til lokalsjukehusa. I samhandlingsreforma er det mange tenester som skal desentraliserast, difor trur eg ikkje det er fare for at det blir arbeidsløyve ved lokalsjukehusa.
- Sjukehusa er viktige
Ho seier at det med dette heller ligg til rette for at dei kan få styrka tenestene sine.
- Og det som ligg i Soria Moria-erklæringa er ikkje ei svekking av akuttberedskap og fødetenester, men ei stadfesting av at lokalsjukehusa er viktige sjølv om dei ikkje har desse tenestene i dag.
Stolar du på Liv Signe Navarsete i denne saka? Sei di meining.