Må reise heim til Afrika

Isaac Loute har prøvespelt for Sogndal, men får ikkje kontrakt. No må han reise heim til Benin.

Isaac Loute

IKKJE RETT MANN: Isaac Loute hadde ikkje kvalitetane Sogndal var på jakt etter.

Foto: Sondre Dalaker / NRK

Isaac Loute har prøvespelt for Sogndal den siste tida. Men no er klubben komen fram til at han ikkje får kontrakt vidare, i følgje Sogn Avis.

19-åringen kjem frå det afrikanske landet Benin, og må no reise heim att.

Sportsleg leiar Trond Fylling seier til avisa at Loute ikkje hadde dei kvalitetane dei var på jakt etter.

– Han er ein god spelar, men me ønskjer oss ein litt meir utprega kantspelar som er god begge vegar. Isaac har ikkje så mange defensive fiber, så me har bestemt oss for å ikkje gå vidare med dette.

Loute har tidlegare sagt at han ønskte å bli verande i Sogndal.

Isaac Loute

MÅ HEIM: Isaac Loute kjem frå det afrikanske landet Benin. No må han reise heim att, sidan Sogndal ikkje ville ha han.

Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.
Mange hoppbakkar i Norge ligg som attgrodde monument frå ei gløymd stordomstid. Og utan hoppbakkar forsvinn også skihopparane. Men på Hafslo i Sogn og Fjordane held brødrene Lomheim hoppsporten i live med hundrevis av dugnadstimar, i håp om ein gong å sjå nye rekruttar sleppa seg frå bommen.