Tunge aktørar i Nordfjord nektar å godta Helse Førde sine planar om å leggje ned Nordfjord sjukehus og gjere det om til lokalmedisinsk senter.
- LES OGSÅ:
Første møte onsdag kveld
Ei gruppe frå distriktet er difor sett ned for å sjå på om andre aktørar kan drive sjukehuset vidare, og det første møtet går av stabelen i Vågsøy rådhus i kveld.
Desse er med i arbeidsgruppa:
- Vågsøy-ordførar Roger B. Silden
- Pensjonert sjukehuslege Rune Muri
- Advokat Paul Inge Angelshaug
- Kommunelege Trond Inselset
- Sjukepleiar Toril Sørland
- Hotelleigar Eli Aarskog
- Leiar for sjukehusaksjonen Svein Hansen
Kan overta vederlagsfritt
Bakgrunnen for initiativet er eit tinglyst gåvebrev frå 1950, i samband med at stiftinga Nordfjord sjukehus vart overteke av det offentlege. Der går det fram at ein ideell organisasjon har rett til å overta sjukehuset vederlagsfritt, dersom det føreligg planar om å leggje sjukehuset ned.
I gåvebrevet heiter det mellom anna:
Korleis finansiere?
NRK er kjend med at sterke krefter i arbeidsgruppa ønskjer å drive Nordfjord sjukehus vidare som lokalsjukehus, med både akuttberedskap og fødeavdelinga - altså på same måte som i dag.
Det avgjerande spørsmålet vil imidlertid vere korleis ein skal greie å finansiere drifta av sjukehuset.
NRK har vore i kontakt med fleire medlemmer i arbeidsgruppa, men ingen har så langt vore villig til å uttale seg om saka.