- Dette er ein kjempedag. Me er med på å laga laga bruhistorie i Noreg, og monterer no ein av dei slankaste og flottaste bruene i verda, seier Ståle Rød, regiondirektør i Skanska.
Måtte demontera høgspentline
Brua over Brandangersundet er 285 meter lang, og har eit hovudspenn på 220 meter. Det vert den største nettverksbogebrua i Norge, og ho vil vega til saman 2 000 tonn. På føremiddagen i dag vart giganten styrd på plass av to digre flytekraner, som måtte koma heilt frå Nederland for å gjera jobben.
- No er dei i ferd med å vinsja seg inn. Dei vinsjar seg no roleg inn, før me seinare skal installera brua, fortel Rød.
(Artikkelen held fram under biletet)
For å få gjennomført løftet og transporten til Brandangersundet må ei høgspentline som forsyner Mongstad-raffeneriet med straum midlertidig demonterast. Dette vert gjort i samband med produksjonsstopp på raffeneriet.
Fergefritt for 700 innbyggjarar
Med andre ord er bruprosjektet i Gulen svært spesielt.
- Dette er ein ekstremt slank konstruksjon. Så er det spesielt at me har bygd brua heilt ferdig fem kilometer frå der den skal stå. No har me altså frakta brua hit med to store fartøy for å montera den, seier Røed.
(Artikkelen held fram under biletet)
Øyene Sandøy, Mjømna og Byrknesøy får fastlandssamband når Brandangerbrua no er på plass. Dermed slepp om lag 700 innbyggjarar å ta ferga når brua opnar i november.
Les også:
Les også:
- Dette er eit samband som knyter saman øyer, og dei har tidlegare vore avhengig av ferge. Så dette betyr svært mykje for øysamfunnet her ute, seier Rød.