Liv Stave Arkivfoto Vidar Vie NRK
Liv Stave har vore fylkesleiar i Høgre i fem år, og har hatt både oppturar og nedturar. Mest nøgd er ho med at Sverre Hoddevik fekk fornya tillit som stortingsrepresentant ved førre val.
Men no fryktar ho at partiet kan tape mandatet. Ho seier ho har stått fast på Høgre sin ideologi både før og etter partiet fekk regjeringsmakt. No antyder ho at partiet med ny leiar og ny stortingskandidat vil fjerne seg frå den linja.
Og den nyvalde fylkesleiaren i Høgre, Bjørn Lødemel frå Hornindal, seier at han i større grad vil føre ein politikk for Sogn og Fjordane.