Linda Eide blir ein fleire foredragshaldarar på Fagdagen på Sogndal Filmfestival i mars. Alle kjem frå toppnivå i norsk film/TV-produksjon.
Det er 3. klasse Media og Kommunikasjon på Sogndal vidaregåande skule som kvart år arrangerer Sogndal Filmfestival. I tillegg til fagdag, blir det gallakveld med prisutdeling. Dei ønskjer difor at du sender inn den beste kortfilmen din.
Drivande god forteljar
Linda Eide vart kåra til årets beste programleiar på TV under Gullruten 2012, som er TV-bransjen si årlege kåring av dei beste TV-programma.
– Ho framstår som ein drivande god forteljar, med stor originalitet, journalistisk snert og kreativitet. I tillegg brukar ho humor som verkemiddel, skriv Sogndal Filmfestival i ei pressemelding.
- LES OGSÅ:
– Eit kvalitetsstempel
Festivalsjef Synne Asheim Haga i Sogndal Filmfestival seier seg veldig glad for at Linda Eide kjem til fagdagen som foredragshaldar.
– Linda har lovd eit spesiallaga foredrag om arbeidet med Norske Attraksjoner, seier Haga.
I fjor hadde Sogndal Filmfestival Kon Tiki som tema med produsent Aage Aaberge – noko som vart lagt merke til.
– Det at vi får så gode og kjende foredragshaldarar med interessante tema, set eit kvalitetstempel på Sogndal Filmfestival seier ho.
- LES OGSÅ: