Like god omsetning som i jula

Butikksjef Linda Espelund ved Coop Extra på AMFI Nordfjord merkar godt at det er festivalhelg på Nordfjordeid. – Malakoff-veka gir like god omsetning for butikken vår som julehandelen, fortel ho. Amfi Nordfjord omtalte saka først. Førebuinga startar lenge før festivaldeltakarane er på plass. – Vi har enormt med kundar denne helga, men har heldigvis fylt opp butikken og førebudd oss godt, seier ho til NRK. Ho legg vekt på at festivaldeltakarane må få i seg rikeleg med mat og drikke. – Vi sel mest isbitar, salat og drikkevarer til festivalfolket, seier ho. Butikken leverer også mat og drikke (raider) etter ynskje frå artistane backstage under Malakoff. – Vi har full bemanning heile helga. Det er ingen ferieavvikling denne veka, fortel butikksjefen.