NRK Meny
Normal

- Politiet fylgjer folk til bussen og let dei reise åleine

Fleire bussjåførar har opplevd at politiet eskorterer folk til bussen for så å dra igjen. Måndag kveld drap ein asylsøkjar frå Sør-Sudan to passasjerar og bussjåføren på Valdresekspressen.

Inge Johan Kirketeig

- FORFERDELEG TRIST: Bussjåfør og tillitsvald Inge Johan Kirketeig.

Foto: Bård Siem / NRK

Tillitsvald Inge Johan Kirketeig i Sogn og Fjordane Transportarbeidarforeining er ein av sjåførane som har opplevd å få folk levert på bussen av politiet.

– Politiet kom med ein person, og vi fekk han inn på bussen. Vi laga ikkje noko dramatikk ut av det, men det er klart vi tenkjer: Kva er det no som skjer?

Fleire tilfelle

Fleire bussjåførar NRK har vore i kontakt med har opplevd at uniformert politi har levert folk med utanlandsk opphav på bussen for så å dra igjen. Ein av dei som har opplevd dette er Inge Johan Kirketeig, tillitsvald i Sogn og Fjordane Transportarbeidarforeining.

Sett i lys av trippeldrapa på Valdresekspressen måndag kveld er han opprørt. Den sikta skal ha fått avslag på asylsøknaden sin, men politiet vil ikkje kople bussturen med avslaget på asylsøknaden.

– I etterkant av ei slik hending så opplever eg det som heilt forferdeleg, seier Kirketeig.

Slepar bussen vekk

TRE DREPNE: I denne bussen tok ein asylsøkjar livet av bussjåføren og to passasjerar.

Foto: Øyvind Bye Skille

Ukjent for politimeisteren

Politimeisteren i Sogn og Fjordane, Ronny Iden, kjenner ikkje til tilfelle der uniformert politi har levert folk på bussen og ønskjer ikkje å kommentere saka.

Men trafikksjef Tore Masdal i Firda Billag seier han sjølv har opplevd at politiet har levert folk på bussen for deretter å forsvinne.

– Ja, eg har og sett at det har skjedd i mi tid i Firda Billag.

Kirketeig møtte i går fleire av kollegaene sine i Firde Billag. Mange er fortvilte og redde, seier han, seier han.

– Eg har det ikkje godt i dag. Eg synest det var ei forferdeleg trist oppleving, og bussjåførar generelt er veldig opptekne av dette.

Bønder føler seg ikkje trygge på vegen med traktor
Orkanen Tor var ikkje ekstrem nok
Ordninga bør endrast