15-åring kom til rette etter leiteaksjon i Luster

Leiteaksjon etter 15-åring og fulle tenåringar som måtte køyrast heim av politiet. Slik var politinatta.

Politibil - illustrasjon

MYKJE FULLE UNGDOMMAR: Politiet har hatt hendene fulle med å køyre overstadig rusa ungdommar heim natt til søndag.

Foto: Illustrasjonsfoto

Ein gut i tenåra vart meld sakna frå heimen sin i Luster klokka 00.15 i natt. Røde Kors og politiet sette i gang søk etter guten etter at ingen hadde hatt kontakt med han etter klokka 21.30. Guten vart funnen etter fem timar i Hafslo sentrum, uskada. Han vart likevel sjekka av helsepersonell.

Privatfest ute av kontroll

På ein privatfest på Brulandsvellene i Førde hadde rundt 90 ungdommar samla seg til fest. Men politiet stoppa festen då det var mange mindreårige rusa personar på festen.

I 02.43-tida stoppa politiet ein 18-åring etter sladding i Storehagen. Mannen hadde førarkortet på prøve, men det vart beslaglagt og det vert oppretta sak.

Ein rusa mann i 30-åra nekta å fjerne seg frå ein utestad i Førde. Politiet tok hand om mannen og køyrde han heim. Ein person vart også slått til ved ein utestad i Førde. Situasjonen roa seg då politiet kom til staden. Den fornærma vil melde saka, opplyser politiet.

Sov i sentrum

I Stryn stoppa politiet ein bilførar – ei kvinne i 30-åra – i Loen. Kvinna er mistenkt for å køyre bil i rusa tilstand. Det vart teke blodprøve, og det vert oppretta sak mot kvinna.

I Florø vart ein mann meld for å ha urinert på offentleg stad i Strandgata. Nokre timar seinare måtte politiet ta hand om ein rusa mann i slutten av tenåra, og køyre vedkommande heim. Ein annan tenåring vart funnen sovande i sentrum av politiet. Han vart også køyrt heim av politiet.

Ein gjest nekta å forlate ein utestad i Gloppen og politiet måtte tilkallast. Mannen i 30-åra vart køyrt heim av venner etter at politiet kom til staden.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.