Det var i juniutgåva av medlemsbladet Fjell og Vidde at Den Norske Turistforening presenterer ein ni sider stor guide til sikre breturar.
Men biletet som vart nytta som illustrasjon, presenterte langt frå noko sikkert brebesøk.
- LES OGSÅ: Her set mor og dotter seg i livsfare
- LES OGSÅ: Turistane stod heilt ved brekanten – så kom israset
– Biletet gjev inntrykk av at det er trygt å opphalde seg i nærleiken av, eller under store isblokker som ligg i bratt terreng – det er det absolutt ikkje, seier professor ved Institutt for geovitskap ved Universitetet i Bergen, Atle Nesje, til Bergens Tidende.
Isblokker i framkant is
For biletet frå foten av Bondhusbreen gir rett nok eit idyllisk inntrykk av ein rå vestlandsnatur med fjordar, høge fjell og isbre. Det som får folk til å reagere, er personen som står heilt oppunder brekanten. Nesje tykkjer signaleffekten av biletet er ille.
Framfor han ligg mindre isblokker som har rasa ned frå breen.
- LES OGSÅ:
– Bondhusbreen er ein av brearmane til Folgefonna der isen røyrer seg kjappast og er mest uberekneleg. Vi held oss unna breen her sidan området er for risikabelt for organiserte breturar, seier Åsmund Bakke, leiaren for Folgefonna breførarlag, til avisa.
DNT tek sjølvkritikk
Redaktør Helle Andresen, som også er forfattaren bak guiden, vedgår at dei kunne og burde brukt eit anna bilete. Ho vedgår også at dei har fått reaksjonar på biletbruken.
Etter den tragiske
, har det den siste tida vore fokusert svært mykje på bre og tryggleik.- LES OGSÅ:
- LES OGSÅ:
– Vi ser i ettertid at biletet ikkje var eigna til å illustrerer ein artikkel om å gå på bre, seier ho til NRK.no.
– Kvifor brukte de biletet?
– Vi lét oss truleg begeistre av det vakre biletet som vi ynskte å bruke som illustrasjonsbilete, men det var ikkje eit bilete vi kjem til å bruke att.