Ettersløkkinga held framleis på, men lastebilbrannen i Svarstadsvingane er under kontroll. Det fortel operasjonsleiar i politiet, Kai Henning Myklebust, til NRK. Naudetatane vart varsla om brannen rett etter klokka 20:30 onsdag kveld.
Tilhengaren til lastebilen var lasta med halm, men brannårsaka er foreløpig ukjend.
Manuell dirigering
Lastebilen stod i full fyr då naudetatane kom til staden, brannen er no under kontroll og det går føre seg ettersløkking. Det ikkje er snakk om personskadar.
Klokka 22:08 melder politiet på Twitter at dei er i gang med manuell dirigering på staden for å sleppe fram køen på begge sider, men det er foreløpig uklart når vegen vil opne for normal ferdsel.
FULL FYR: Lastebilen stod i full fyr då naudetatane kom til staden.
Foto: Roger Vik