– Første melding gjekk ut på at føraren var fastklemt, men dette stemte ikkje. Lastebilen hadde velta over på sida, og det var vanskeleg å få føraren ut av køyretøyet, seier operasjonsleiar i Vest politidistrikt, Hans-Eirik Thue.
Det var like over midnatt ein lastebil køyrde i fjellveggen ved Erdal på rv. 5 mellom Førde og Florø.
– Vi måtte bruke stige for å komme oss inn til føraren, seier Thue.
Føraren er lettare skadd og blei sendt til sjukehus for kontroll.
– Det var glatt på staden og Vegtrafikksentralen måtte sende ut strøbil, seier Thue.
Politiet vil etterforske saka vidare.
