NRK Meny
Normal

Sjåfør berga seg ut frå brennande lastebil

Ein lastebil byrja å brenne ved Tusviktunnelen mellom Høyanger og Balestrand onsdag kveld. Sjåføren klarte å berge seg ut av den brennande bilen.

Bilbrann Tussvik

TOK FYR I FART: Sjåføren klarte å kome seg ut av den brennande lastebilen.

Foto: NRK-tipsar

– Vi har fått opplyst at det ikkje er snakk om personskade. Brannvesenet er på staden, sa Kjetil Drange ved Sogn og Fjordane politidistrikt til NRK ved 19.45-tida onsdag kveld.

Ved alarmsentralen i Florø får NRK opplyst at brannfolk både frå Balestrand og Høyanger rykte ut til bilbrannen.

Lastebilen tok fyr på Balestrand-sida av Tussviktunnelen, om lag midtvegs mellom Balestrand og Høyanger.

– Det såg veldig dramatisk ut, opplyser augevitne til NRK.

Klokka 20.45 melder politiet at brannen er sløkt og at trafikken blir dirigert forbi den utbrente lastebilen. Bilvraket vil bli fjerna i løpet av kvelden.

– Brannen oppstod under køyring, men noko årsak til brannen veit vi enno ikkje, opplyser politiet.

Laster kart, vennligst vent...

BILBRANN: Ein lastebil tok fyr ved Tussviktunnelen på fylkesveg 55 mellom Balestrand og Høyanger onsdag kveld.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.