– Vi har sett at Gloppen har slite i periodar meir enn andre kommunar, seier fagdirektør i Helse Førde, Kristine Longfellow.
I fjor hadde Helse Førde 227 ekstra liggedøgn for pasientar som eigentleg var utskrivingsklare. 108 av desse var glopparar som blei liggande på sjukehuset fordi kommunen ikkje var i stand til å ta dei imot. Tal viser at Gloppen ikkje er stort betre i år, og ligg skyhøgt over dei andre kommunane i fylket med 63 liggedøgn til no i 2017.
Longfellow synest det er synd at pasientane må gå så lenge utan å kome seg heim igjen.
– Når vi skriv ut ein pasient, vil vi gjerne at kommunen skal vere i stand til å ta dei imot når dei er ferdig behandla, seier ho.
Kostar kommunen dyrt
Kvart ekstra liggedøgn kostar kommunen 4000 kroner. Helse- og omsorgssjef i Gloppen, Anita Lothe, legg ikkje skjul på at dette er ei stor utgift for kommunen.
– Det viktigaste er at pasientane får forsvarlege tenester der dei er og at dei er ein plass dei er trygge og har det bra. Men ja, det er ei utgift for kommunen, seier ho.
Lote meiner mange av dei ekstra liggedøgna for glopparar skuldast uflaks.
– Når det har vore fullt på korttidsavdelingar har det vore mange utskrivingsklare pasientar, og omvendt. Så vi har vore litt uheldige i periodar, seier Lote.
Dei er i gang med å bygge 20 nye heildøgsbemanna omsorgsbustader, men dei vil ikkje stå klare før tidlegast 2020.
– Det er vanskeleg å svare på om ting blir betre før desse er på plass, seier Anita Lothe.
Gloppen på topp
Her ser du oversikta over talet på liggedøgn for utskrivingsklare pasientar rundt om i fylket i fjor og i år: