Måndag lanserer NRK Sogn og Fjordane sitt aller fyrste "Fotballstudio" i nett-tv. Det heile blir filma frå eit enkelt studio på indre bane på Fosshaugane.
– Vi ser og veit at fotballen engasjerer, så vi vil prøve ut dette som eit nybrottsarbeid, seier vaktsjef Rune Fossum.
Måndag ettermiddag vert det første Fotballstudio lagt ut on-demand, og folk kan sjølv velje kva tid dei vil sjå det.
Lokalfotball er tema
I det første "Fotballstudio" er det lokalfotballen som er tema.
– Vi skal snakke om sesongstarten til Sogndal, og vi skal også ta for oss andredivisjonslaga våre, seier Fossum.
Han understrekar at alle tema er mogeleg å diskutere i "Fotballstudio".
– Utover sesongen er målet å også ta for oss førstedivisjonslaget til Kaupanger, og aller helst også ta opp artige og kuriøse tema frå lågare divisjonar. Då har vi også moglegheita til å gjere opptak andre stader i fylket, seier Fossum.
Kan komme med innspel
Publikum har høve til å engasjere seg og komme med reaksjonar og innspel. Det kan gjerast på:
epost: sf@nrk.no - merk: "Fotballstudio" i emnefeltet
Målet er å ha "Fotballstudio" ein gong i månaden.