I år kostar lakselusa han 30 millionar kroner

Lakselus vil truleg koste norske oppdrettarar nær fem milliardar kroner i år . Det er ein auke på 50 prosent frå i fjor, skriv Dagens Næringsliv.

Ola Braanaas i Firda Seafood stadfestar at kampen mot lakselus blir dramatisk dyrare også her i fylket.

• Les også: – Situasjonen med lakselus er hovudutfordringa for laksenæringa

– I fjor hadde vi kostnader på kring 22 millionar kroner. I år nærmar vi oss 30 millionar, seier han.

– Urovekkande

Endar lusekostnaden på fem milliardar kroner, så svarer det til fire kroner per kilo laks. I løpet av dei tre første kvartala i år brukte to av dei store lakseaktørane, Salmar og Marine Harvest, åleine 870 millionar kroner til kampen mot lakselus.

Braanaas meiner kostnadsauken er urovekkande.

• Les også: Går til krig mot lakselusa

– Marknaden er god og betalingsviljen god så vi ahr kunne forsvare kostnadsauken, men kjem ein inn i ein periode med fallande pris og kostnadsauke, så er det ein skummel situasjon, vedgår han.

Todelt problem

Braanaas forklarar at årsaka til kostnadsauken er todelt. Næringa er underlagt eit strengt reguleringsregime i høve til lusemengda på fisk og behandlingsnivå.

• Les også: Desse skal no gjere veg i vellinga i kampen mot lakselusa

– Det eine er resistensproblema vi har fått siste åra. Vi må behandle på andre måtar enn tidlegare. Det betyr meir brønnbåtbehandling av lus, og då aukar kostnadene, seier han.

• Les også: Lakselusa motstandsyktig mot lusemidler

– Når vi behandlar fisken, må vi gjerne svelte den nokre dagar for å få ned stoffskiftet. Då får vi også kostnad i form av tapt tilvekst, legg Braanaas til.

– Kampen er ikkje tapt

På den positive sida seier Braanaas at det blir arbeidd kreativt med ulike behandlingsformer mot lakselus.

Han trur difor ikkje at kampen mot lakselusa er ein tapt kamp.

• Les også: Betydeleg auke av lakselus

– Vi har både mekanisk og ikkjemedikamentell behandlingsmetodar, så er det medikamentelle behandlingsmetoder som er under behandling mellom anna i legemiddeltilsynet og som vi ventar på klarsignal til å få bruke, seier han.