Laksefest for oppdrettsnæringa

Ein kilopris på 45 kroner over lengre tid på laks fører til god inntening for oppdrettarane.

• LES OGSÅ: Vil teste ut steril oppdrettslaks

- 2013 kan bli eit rekordår for oppdrettsnæringa, seier dagleg leiar i Nordfjord laks Leiv Slagstad til Firda.

Bedrifta har hittil i år levert nærare 900 000 tonn laks og aure til denne prisen.

Årsaka er ein svært kald vinter og at andre land ikkje har levert like mykje fisk som normalen.

• LES OGSÅ: Næringar i klinsj om tollmurar

Slagstad trur at dei i år vil overgå rekordåret dei hadde i 2010.

Men han seier til avisa at rekordhøge prisar ikkje berre er bra for næringa.

- Det er klart det er litt usunn høg prising med tanke på foredlingsbedriftene som ikkje tener pengar. På sikt kan det slå tilbake i redusert auke i konsum, seier han til avisa.

• LES OGSÅ: Tre av fire selskap innan alternativ oppdrett er vekke