Det er Opplysningsrådet for vegtrafikken som no legg fram rapporten som syner at E39 er ein av dei dårlegaste europavegane i Europa.
Spesielt dårleg er det i både Hordaland og Sogn og Fjordane.
Leiar for politikk og strategi Vilfrid Femoen i Opplysningsrådet er ikkje overraska over funna dei har gjort om stamvegen gjennom fylket.
Heilt på botn
– Både Hordaland og Sogn og Fjordane er heilt på botnnivå i Europa i høve til reisetid. Dette er veldig alvorleg, for her er det snakk om europavegane våre, som er internasjonale hovudtrafikkårer som skal vere sikre og effektive, seier Femoen til NRK.
- LES OGSÅ:
- LES OGSÅ:
Mellom Lavik og Skei har kun 50 prosent av vegen gul midtline. Yrkessjåførar har i mange år klaga sin naud over vegen. Helsefarleg, trafikkfarleg og øydeleggande for bilane er nokre av argumenta som har kome.
For tålmodige
Femoen er heilt samd i den kritikken som har vore reist opp gjennom åra. Ho meiner at vestlendingane må stå meir på krava.
- LES OGSÅ:
– Vi er altfor tålmodige når det gjeld å krevje betre vegar og raskare utbyggjing, meiner ho.
Lovar forbetringar
I dag kjem mellom andre samferdsleminister Magnhild Meltveit Kleppa til E39-konferansen i Førde.
- LES OGSÅ:
Ho meiner at styresmaktene no gjer det dei kan for å få ei opprusting av stamvegen, som strekkjer heilt frå Aalborg i Danmark til Trondheim.
– Det trengst svære forbetringar, det skal vi no gjera noko med, seier Kleppa.