Lærdal må ha nytt skredsonekart, men det går truleg ikkje ut over attreisinga etter brannen

Ordførar Jan Geir Solheim sier han ei stund frykta at dei nye krava skulle føre til at gjenreisingsarbeidet skulle bli forseinka.

Men no er geologar frå NGI på veg til Lærdal, og i morgon skal dei på helikoptersynfaring. Etter det skal rassonekartet kome ganske raskt, seier Solheim.

– I og med at vi får geologar på plass i dag trur eg planlegginga kjem til å gå fort. Dersom det viser seg at vi må opp med ein skredvoll skal vi sjølvsagt gjere det vi kan for å få den fort på plass også.

• LES OGSÅ: Ordføraren og rådmannen i Lærdal til Oslo for å få stadfesta lovnadene om hjelp
• LES OGSÅ: Godt nøgd med møte med ministeren

Reguleringsplan frå 1971

Dagens reguleringsplan er frå 1971. Sidan den gong har det skjedd mykje både med klimaet og med krav frå styresmaktene, seier ordføraren.

– Det gjer at vi må ha geologar på plass i Lærdal for å sjå på rasfaren, og så må det utarbeidast matematiske tabellar.

– Greier de å halde planen om attreising i løpet av to til fem år?

– Planen er ikkje heilt lagt, men eg trur vi skal greie det.