Kommunane i Sogn og Fjordane får samla sette ein vekst i dei frie inntektene på 8,4 prosent.
Dette er høgare enn på landsbasis der veksten er på 6,9 prosent.
Lærdal størst vekst
Olav Lunden som er leiar i Kommunenes Sentralforbund i Sogn og Fjordane, er positivt overraska over budsjettforslaget.
- Det er rimeleg klart at veksten for heile landet er god, og det er godt nytt at fylket har ein større vekst enn landsgjennomsnittet, seier Lunden.
18 av 26 kommuner i Sogn og Fjordane har ein vekst som er høgare enn veksten på landsbasis. Størst vekst har Lærdal kommune med 12,1 prosent.
Også Askvoll og Høyanger er blant vinnarane av kommunane i Sogn og Fjordane
Lågast vekst i Balestrand
Balestrand kommune har lågast vekst med 4,6 prosent.
Også Vik, Årdal, Aurland, Førde, Hornindal, Solund og Gaular har lågare vekst enn landsgjennomsnittet.
- Eg trur det er stort sett positive reaksjonar på statsbudsjettet. Den store utfordringa er uroa på finansmarknaden, så kommunane vil nok uansett få ein del utfordringar framover, seier Olav Lunden som er leiar i Kommunenes Sentralforbund i Sogn og Fjordane.