Det er armeringsjernet i grunnmuren som rustar, og no må noko gjerast for å rette opp problemet.
Betongmur utanpå grunnmuren
På eit møte med Flora formannskap tysdag presenterte museumsstyrar Berit Høyvik planane for utbetring. Det er snakk om å byggje ein ny betongmur på utsida av grunnmuren til museumsbygget. Samstundes kan museet få ein kai der større båtar som "Svanhild" kan få plass.
Må få betre veg
Men den smale og kronglete vegen til Kystmuseet er eit stort problem når store anleggsbilar skal til og frå. Vegen har og vore ein flaskehals når til dømes busslaster med pensjonistar kjem på besøk. Ordførar Bente Frøyen Steindal lova at utbetring av vegen no skal inn på planane til Flora kommune.