NRK Meny
Normal

Død kvinne sendt til obduksjon

Politiet vil sende kvinna i 70-åra til obduksjon for å få slått fast dødsårsaka, men mistenkjer ikkje at noko kriminelt ligg bak.

Vik

FUNNEN OMKOMEN: Kvinna i 70-åra vart funne av pårørande i sin eigen heim i Vik sentrum.

Foto: Bjørn Sæbø

Kvinna vart funnen død i sin eigen heim av pårørande rundt klokka seks i kveld. Berre timar tidlegare hadde kvinna blitt observert i live.

Politiet vart varsla og dei har i kveld gjort undersøkingar på staden.

– Det har ikkje kome fram noko som tyder på at det har skjedd noko kriminelt på staden, seier Trond Hatlenes ved operasjonssentralen i Florø.

Han opplyser at kvinna likevel vil bli sendt til obduksjon.

– Det er det politijuristen vår som har bestemt for å vere sikker på dødsårsaka, seier Hatlenes.

Politiet har no avslutta undersøkingane for kvelden.

– Det har blitt gjort undersøkingar som er vanlege å gjere i samband med dødsfall, seier Hatlenes.

Saka vil bli følgt opp av politiet i morgon.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.