Køyringa kvinna var tiltalt for fann stad i januar i år. Etter å ha vore på ein fest, der ho hadde konsumert ei mindre mengde alkohol tidleg på kvelden, blei ho køyrt heim av ei veninne i tretida om natta.
Litt seinare på natta dukka kjærasten, og to andre personar opp hjå kvinna. Stemninga var til å byrje med god, men det enda med at kjærasten skulda den eine gjesten for å ha prøvd seg på kvinne.
Etter kvart gjekk kjærasten og den andre gjesten over til kjærasten sitt hus for å hente drikkevarer.
Konfrontasjon
Kvinna forslo då for den andre gjesten at dei skulle køyre etter dei to. Ho sette av den andre gjesten ved huset til kjærasten og køyrde heim til seg sjølv.
Kort etter dukka kjærasten opp på tunet hjå kvinna. Der blei det ein konfrontasjon der kjærasten tok bilnøkkelen frå kvinna.
Kvinna gjekk då til leigebuaren sin, der ho fekk ein kopp med konjakk som ho drakk, samt ein halvliter cider. Kjærasten på side kontakte politiet og melde ho for promillekøyring.
Han fortalde blant anna at han og den andre personen måtte hoppe ut av vegen for å unngå å bli påkøyrde av kvinne. Dette gjekk han seinare tilbake på.
Turbulent
I retten kom det elles fram at forholdet mellom kvinna og kjærasten hadde vore turbulent, og at han hadde ein tendens til å vere sjalu når han drakk.
Etter å ha vurdert prova i saka har retten kome til at kvinna ikkje hadde promille under køyeturen, og at promillen ho hadde skuldast de ho drakk etter køyreturen.
Retten meiner og at ho ikkje kan bebreidast alkoholinntaket etter køyreturen, og at det ikkje var gjort i eit forsøk på dekke over promillekøyring, og frifann kvinna.