16 unge songtalent frå Sogn og Fjordane samlast til konkurranse i Flora Samfunnshus fredag 25. januar klokka 19.15. NRK sender finalen direkte i vårt nett-tv produsert av Sogndal vidaregåande skule.
60 unge har kjempa
I løpet av desember og januar har kring 60 unge songtalent mellom 10 og 17 år kvalifisert seg til denne finalekvelden. Det har vore arrangert delfinalar i Sogndal, Førde og på Sandane.
Du bestemmer
Saman med ein jury kan DU kan vere med å avgjere kven som vinn finalen! Og det er MGP-programleiarane Jenny SkavIan og Erik Solbakken som utroper vinnarane på scena i Flora Samfunnshus fredag kveld.
Lever di stemme på SMS
Videoar av dei 16 finalistane ser du nederst på denne sida, og du kan stemme på dine favorittar via SMS. Som publikummar i salen kan du gjere det same. Kvar sms-stemme kostar 7 kroner. Videoane er filma og produsert av medialinene ved Sogndal og Firda vidaregåande skule.
Får stå på MGP-scena på laurdag
Dei fem beste frå MGP Lokal-finalen får opptre på den store MGP-scena i Florø Idrettssenter laurdag 26 januar, før den NRK-direktesendte Melodi Grand Prix Delfinalen.
Iselin Solheim spelar ny singel
I tillegg vil den unge artisten Iselin Solheim frå Naustdal opptre under finalen. Iselin vart kåra til Ukens Norske på Radio Norge denne hausten, og slepp no sin første singel frå sitt komande album.