NRK Meny
Normal

Fartskontrollen skremde Up-patruljen

– Det er rett og slett skremmande, seier Einar Vereide og kollega Kåre Toreid etter fartskontrollen dei i ettermiddag gjennomførte på E39 ved Kusslia i Førde.

UP - politi

ARKIVFOTO: Utrykkingspatruljen i Sunnfjord oppmodar spesielt førarar av større køyretøy om å halde fartsgrensene.

Foto: Stine Kyrkjebø Johansen / NRK

I løpet av dei tre og ein halv timane Up-patruljen målte farten på trafikken i 60-sona, skreiv Einar Vereide og Kåre Toreid ut 15 forenkla førelegg.

Av desse var fem vogntog.

– Det er eigentleg skremmande å sjå at dei ikkje tek meir omsyn til fartsgrensa der. Kusslia er smal, det er null vegskulder og kjem det ein syklist så har han ingen stad å gjere av seg. Og i dag var det faktisk ein heil del syklistar som passerte oss, seier Einar Vereide.

80 km/t

Høgste målte fart i kontrollen var det ein personbil som stod for, 82 km/t. Førarkortet blir beslaglagt ved 86 km/t. Høgste fart blant vogntoga i kveld var 80 km/t.

– Og då er tryggleiksmarginen trekt ifrå, seier Vereide.

Det var mellom klokka 1630 og 20 at Up-patruljen målte farten på trafikken som kom frå Førde i retning Jølster. Her plar det vere mykje trafikk på ettermiddagen, også ein god del vogntog.

Stort farepotensial

Sjølv om dei aller fleste vogntoga held fartsgrensa, har Up-patruljen også tidlegare sett at mange vogntogførarar ikkje held fartsgrensa. Spesielt i Kusslia.

– Ein gong var halvparten vogntog, seier han.

– Det har vist seg at det rett og slett går for fort i 60-sona der. Og vi stoggar mange vogntog i Kusslia, men i dag var det kanskje litt større del enn til vanleg, seier Vereide og legg til at dei ser meir alvorleg på fartsoverskridingar med stort køyretøy.

– Det har eit vesentleg større farepotensial, seier han og lovar at det ikkje er siste gang dei målar farten på trafikken ved Kusslia.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.