Difor er kunsten i bybildet dekt til i dag

– Eitt av måla er at folk skal tenkje – Oi, kvar blei kunsten av?
Kunstnar Karen Helga Maurstig seier at dei aksjonerer mot nedskjeringar i kulturbudsjettet som regjeringa har føreslege.

– Me ser at når stønadsordninga blir borte, så er det ein del kunst som finst no som ikkje ville ha vorte laga, seier Karen Helga Maurstig.

• LES OGSÅ: Beklager at kunstnerstøtte forsvant
• LES OGSÅ: Tanken på sponsorjakt skremmer norske kunstnere

Biletkunstnarane i Sogn og Fjordane og NK VestNoreg er godt nøgde med å få behalde sine 15 millionar til etablerte kunstnarar og seniorkunstnarar, men aksjonerer mot andre foreslegne nedskjeringar som råkar kunstnarar.

– Kunstnaraksjonen vil no rette søkelyset på andre foreslegne kutt og tendensar som rører ved og får konsekvensar for kunstnarane. Det blir ei landsomfattande markering med mål om å styrke kunsten sine vilkår i vår nye politiske røyndom, opplyser Biletkunstnarane i Sogn og Fjordane og NK VestNoreg.

• LES OGSÅ: – Ikke alt som er populært bør få offentlig støtte

Kunstnarane lovar å ta av plasten når aksjonen er ferdig, slik at det ikkje blir forsøpling.