Med ei samla løyving på 57,4 millionar kroner til kulturen i fylket, reiser Musea i Sogn og Fjordane og Sogn og Fjordane Teater med over halvparten av potten. Dei to får til saman 43 millionar kroner.
- LES OGSÅ: Førdefestivalen er budsjettvinnar
Med ein auke på 100.000 kroner er operasjef Kari Standal Pavelich i Opera Nordfjord skuffa over lite satsing på distriktsoperaen.
– Vi hadde håpa på ein halv million i dag, men ser at vi berre får til prisveksten, seier Pavelich til NRK.no.
(Artikkelen held fram under tabellen)
– Må revurdere planar
SKUFFA: Operasjef Kari Standal Pavelich
Foto: NRKOpera Nordfjord har i år satsa stort på Giacomo Puccinis Madame Butterfly. Dei har sett opp ti framsyningar, men billettsalet har svikta så langt med 1.100 ledige seter når fire framsyningar står att.
- LES OGSÅ: Så mykje får din kommune
- LES OGSÅ: Dette betyr statsbudsjettet for fylket
At dei får mindre enn venta, totalt 3,3 millionar kroner gjennom framlegget til statsbudsjett, gjer ikkje situasjonen noko betre. Operasjefen seier dei må vurdere å utsette planar om utvikling av nye prosjekt.
– Vi skal ha styremøte seinare i veka, men vi må nok revurdere tal framsyningar og programmet vårt, seier Pavelich.
Fekk meir enn venta
I Gloppen derimot er Norsk Country Treff på Breim overraska over at dei ligg inne med 1,6 millionar kroner. Det er ein auke på nær ein halv million kroner i høve til fjoråret.
Løyvinga som ligg inne er større enn countryfestivalen hadde søkt om. Dagleg leiar Eva Hage Solstad seier dei mellom anna jobbar med planar om ei form for talentutvikling som dei vonar endar opp i ein talentkonkurranse.
– Det var veldig gledeleg. Det gir oss moglegheit til å vidareutvikle Norsk Country Treff etter dei planane vi har skissert, seier Solstad.
