Vilde og Anna
Foto: Erlend Blaalid Oldeide / NRK

Kultur i Sogn og Fjordane

Oppsummert

Her får du siste nytt frå kultur og underhaldning frå Sogn og Fjordane. Har du tips? Send dei gjerne på e-post til sf@nrk.no, ring 57 72 42 42, bruk emneknaggen #nrksf i sosiale medium eller send dei inn her.

  • Får stipend på 100.000

    Metallkunstnaren Geir S. Hjetland frå Høyanger har fått eit stipend på 100.000 kroner frå Sogn og Fjordane Kunstmuseum. Dei vil med stipendet stimulere til vidare utvikling og utstillingsverksemd.

  • Bunadskvinner fekk fylkeskulturpris

    Ann Lundekvam frå Gaular og Bjørg Hovland (t.h.) frå Luster fekk akkurat den aller siste fylkeskulturprisen i Sogn og Fjordane. Dei to har gjennom ei årrekkje teke vare på og ført vidare bunadstradisjonar. Dei fekk blomar og kvar sin sjekk på 30.000 kroner. Fylkesordførar Jenny Følling (Sp) overrekte prisen.

    Ann Lundekvam og Bjørg Hovland mottek fylkeskulturprisen av fylkesordførar Jenny Følling.
    Foto: Erlend Blaalid Oldeide / NRK
  • Nordfjording vann Farmen

    Erik Rotihaug vann søndag kveld Farmen på TV 2, etter å ha levd ein kvardag anno 1919 i elleve veker på ein gard, skriv TV 2. – Endeleg er målet nådd. Det har vore ekstremt lange veker, og eg mentalt og fysisk utsliten, seier ein nøgd vinnar.

    Erik Rotihaug Farmen
    Foto: Helene Kjærgaard Sviland/TV2
  • Årdøl fekk frivilligheitsprisen

    Knut Skår frå Årdal og Norske Redningshundar vann i dag den nasjonale frivilligheitsprisen for 2019. Kulturminister Trine Skei Grande stod for overrekkinga. – Norske Redningshunder er tufta på frivilligheit. I eit miljø med mange engasjerte frivillige, står Knut fram som ein bauta, seier leiar av juryen, Heikki Eidsvoll Holmås, i ei pressemelding.

    Trine Skei Grande og Knut Skår.
    Foto: CF Salicath / Pressefoto
Fra Stjernekamp på NRK 14. september 2019. Episode 4 - Country