Fylkesleiar Svein Ottar Sandal i KrF kjem med skarp kritikk av høgskulestyret i Sogn og Fjordane.
Styret har bestemt at alle studietilboda på Sandane skal leggast ned når Høgskulen må kutte i studieplassar.
Sandal meiner høgskulen alltid har behandla studia på Sandane stemoderleg, og seier Nordfjord-avdelinga er ei "vorte" som Høgskulen lenge har ønska å kvitte seg med.
- Kom frå Sandal si regjering
Sandal håpar no regjeringspartia legg press på høgskulestyret og leiar Johs. Thaule. Thaule avviser på si side den kvasse kritikken.
- Eg forstår at det er tungt for Sandal at det er den regjeringa han soknar til politisk, som føreslo å leggje ned Sandane. Eit forslag som kom like overraskande på oss som på Sandal, seier Thaule.