Toppkandidaten på fylkestingslista til KrF er den første til å bli grilla om partiet sin politikk dette lokalvalet. Utspørjinga kan du høyre på nettradio, NRK P1 og sjå her på nettsidene nrk.no/sf.
Vi kjem til å plukke ut nokre få spørsmål frå publikum, og det er fleire måtar du kan kontakte oss i NRK på, dersom du har spørsmål til Trude Brosvik:
Du kan bruke Facebook, Twitter eller Instagram
Bruk emneknaggane #nrksf, #nrkvalg og #nrkval
Send oss ein SMS med kodeord SF til 1987
Send oss ein epost til sf@nrk.no
Trude Brosvik er ein svært røynd lokal- og fylkespolitikar. Ho har stått last og brast med Kristeleg Folkeparti i mange år, og leiar i dag eit fylkestingsgruppe på tre representantar. Det blir spanande å sjå kva veg KrF vel etter valet 14. september.
I utspørjinga på radio og nett-TV i ettermiddag må Brosvik mellom anna svare for kvifor ein treng eit eige kristeleg parti. Og kvifor skal ikkje-kristne veljarar stemme på KrF?
Andre relevante saker kan vere den desentraliserte skulestrukturen i fylket. I den komande perioden blir det færre elevar og mindre pengar til fordeling. Kva vil KrF gjere med dei vidaregåande skulane våre?