Nordeng har brukt heile dagen på å kritisere Kvalheim sin forretningsførsel, og har i sterke ordelag skildra svindelen hans. No i ettermiddag avslutta han altså med å legge ned lovas strengaste straff for Kvalheim: Ni års fengsel. Vågsøymannen er tiltalt for momssvindel og økonomisk utruskap for til saman 333 millionar kroner.
Petter Nordeng går også inn for at Kvalheim skal frådømmast retten til å drive forretningsverksemd på livstid. Det betyr også at han heller skal få vere dagleg leiar eller styremedlem i eit selskap. Til sist går han inn for at han skal bli dømd til å betale tilbake 283 millionar kroner til staten.