– Fjord1 er eit viktig selskap og ein viktig arbeidsplass i kommunen. Det er uansvarleg om vi ikkje engasjerer oss. Her må kommunen tale med éi røyst og seie kva som er mest fornuftig for å sikre og halde på Fjord1 i Flora, seier Jacob Nødseth.
Han har teke initiativ til at partia i kommunen får i stand eit hastemøte med styreleiar og leiinga i ferjeselskapet Fjord1, for å få klarheit i kva selskapet meiner er best. I går la fylkesrådmannen fram si innstilling i saka om eigarskap, og rådet til politikarane er at fylkeskommunen gradvis sel seg ut av selskapet.
- Les også:
Fryktar for arbeidsplassar
Selskapet med hovudkontor i Florø har om lag 1300 tilsette. Konsernsjef i Torghatten ASA, Brynjar Forbergskog, sa i går at dei vil behalde arbeidsplassane i kystbyen.
– Dersom vi kjøper selskapet ønsker vi å drive det på same måte basis som i dag, med hovudkontor i Florø som tidlegare og med arbeidsplassane der dei er, sa Forbergskog.
Nødseth er likevel skeptisk.
– Eg meiner sal ikkje er det mest fornuftige. Flora har mista mange arbeidsplassar i privat arbeidsliv og offentlege arbeidsplassar er også utsette. Vi treng stabilitet, seier Nødseth.
Han meiner floraperspektivet har drukna i debatten. Allereie før valet i haust tok han initiativ til eit møte mellom politikarane i kommunen og Fjord1, men sjølv om fleire av partia var interesserte i eit slikt møte vart det aldri noko av.
- Les også:
Trur eit råd frå Flora vil vege tungt
No meiner Nødseth møtet må kome i stand, slik at dei kan spele inn sine råd til fylkespolitikarane. Han trur eit samrøystes råd frå florapolitikarane vil vege tungt.
– Eg trur mange har bestemt seg i saka, men får vi eit samrøystes vedtak, så skal det litt til for at fylkespolitikarane kan oversjå det. Flora er ein viktig kommune, og å sjå vekk frå eit klart råd frå Flora kommunar lite lurt, slår Nødseth fast.
- Les også: