– Eg og alle som heiar på Kystvegen er veldig skuffa. Eit samstemt styre i Kystvegen vil ha den som riksveg, men no blir ein i staden ståande på eit sidespor, seier Bjørn Hollevik.
For Kystvegen blir ikkje statleg likevel. Organisasjonen som jobbar for vegen mellom Ålesund og Bergen har ivra for at staten skal ta over som eigar, og gjere den til riksveg. Det trur dei vil føre til fortgang i bygginga.
Men det raudgrøne fleirtalet i fylkesutvalet sette foten ned i går. Dei meiner fylkeskommunen er ein betre eigar.
– Vi meiner at det vedtaket som vart gjort i fylkesutvalet onsdag er det som sikrar den beste framdrifta for å få bygt Kystvegen, seier Sigurd Reksnes (Sp).