Kranglar om cruisetrafikken

- Vi har arbeidd hardt og satsa mykje på at cruisetrafikken skal kome til oss, seier Elin Hauge i SKjolden bygdelag.

• LES OGSÅ: Cruisebåtane tek utsikta frå folk i Skjolden

Ikkje samde om båtane

Men det er ikkje alle som er like begeistra for dei store turistbåtane i fjorden.

Avisa Dagbladet har snakka med bygdefolk i Skjolden som vil ha båtane vekk. Dei meiner dei sperrar for utsikta til fjorden og at dei tek for mykje plass.

- Det er heilt forderdeleg å vere her, seier ei anonym kjelde til db.no .

Debatten har rasa på nettsidene til avisa etter oppslaget, og det er delte meiningar om utspelet for bygdefolket som ikkje vil stå fram med namn eller bilete i avisa.

Dei fleste er positive

Men for Haugen er ikkje båtane eit problem. Tvert imot.

• LES OGSÅ: Gigantisk cruiseskip besøkte Flåm

- Folk må få ha den meininga dei har, men å uttale seg på vegner av folk i Skjolden er heilt feil. Og på grensa til frekt. Fleirtalet har jo arbeidd for at det skal vere ein auka aktivitet med tanke på cruisetrafikken. Så at enkeltpersonar uttalar seg på vegner av alle blir feil.

Viktig med cruisetrafikk

- Kor viktig er cruisetrafikken for dokke?

- Det kan skape meir aktivitet og det kan resultere i at folk som har vore her vil kome tilbake, det skapar blest om Skjolden som ein fin stad for turistar. Det er bra.

• LES OGSÅ: Reiselivsdirektør trur turistane legg att meir pengar i Sogn enn i Møre og Romsdal

- Er det øydeleggjande at folk seier slikt om turisttrafikken?

- Nei, eg veit ikkje heilt. Men truleg ikkje. Det skapar blest nokre dagar og så er det vel gløymt, seier Haugen.