Ekstrakostnadene på 600 millionar kroner er auka på grunn av endringar gjort i 2011, og fordi kontraktprisane er høgare enn forventa. Investeringane vart vedtekne torsdag 29 mars.
Kraftlinja er Statnett sitt høgaste prioriterte og mest omfattande prosjekt for tida, og skal betre forsyningstryggleiken i Midt-Noreg og leggje til rette for ny kraftproduksjon på Vestlandet, ifølgje Statnett.
- LES OGSÅ: Kraftlinja vart som han frykta
- LES OGSÅ: Borten Moe gir klarsignal til ny kraftleidning
Skal stå ferdig i 2015
Lina skal strekkje seg frå Ørskog i Møre og Romsdal, og ned til Fardal i Sogn og Fjordane. Det er det aukande kraftunderskotet i Møre og Romsdal, kombinert med planar om ny kraftproduksjon i Sogn og Fjordane som gjer at det er behov for denne lina.
Kraftlina har vekt sterke reaksjonar over heile Vestlandet. Byggjearbeidet er alt i gang og skal etter planen stå klar til bruk innan utgangen av 2015.
HER SKA DEN GÅ: Kraftlina skal gå frå Ørskog i Møre og Romsdal til Fardal i Sogn og Fjordane.
Foto: Skjermdump