Køyretøyet fekk køyreforbod og vart fråteken skilta då det vart stogga på kontrollplassen ved Kjøs.
Likevel sette føraren seg bak rattet og køyrde dei tre mila til Nordfjordeid for å laste den på eit vogntog som kom frå heimlandet for å hente det.
- Les også:
– Dette vart gjort for at køyretøyet skulle fraktast ut av landet, seier Svein Arne Henjesand hos Statens vegvesen.
Kan vente seg bot
Men transporten ut av landet gjekk ikkje heilt som planlagt. På veg mot Strynefjellet vart bilen kjent att og stogga ved Folven.
Føraren av lastebilen kan truleg vente seg ei bot for å ikkje følgje pålegg om bruksforbod og for å køyre med trafikkfarleg og uregistrert køyretøy.
- Les også:
- Les også:
– Det er ein grunn til at vegvesenet tok skilta. Den var ikkje trygg å køyre med, og då skal det stå stille til feila er utbetra. Dette er rett og slett ikkje akseptabelt, seier lensmann i Stryn, Lasse Trosdahl.
Farleg køyretøy
Lensmannen er glad for at køyretøyet er luka ut frå trafikken. Oljelekkasjen i motorrommet kunne ført til brann, medan bremseskivene på framakslingen hadde så mykje sprekkar at dei kunne ha gått i oppløysing.
- Les også:
– Skrekkscenariet hadde vore om det byrja å brenne midt i ein av tunnelane medan den trykker seg oppover Strynefjellet. Eller at det bremseskivene går i oppløysing og han misser bremsene på framakslingen på veg ned frå fjellet, seier Trosdahl.
Kan smuldre opp
Henjesand seier at det er sjeldan dei opplever at sjåførar trassar så klare forbod mot å køyre. Det er heller ikkje ofte at dei ser så alvorlege manglar ved køyretøy.
– Når bremseskivene har så mykje sprekkar, og sjåføren bremser, så kan klossane hekte seg i sprekkane. Då går bremsene sunde, seier han.
– Slike køyretøy vil vi ikkje ha på vegane våre. Slike sjåførar vel risikonivået for deg og meg, legg han til.
Burde bede om hjelp
Henjesand seier han er overraska over avgjerda til sjåføren. Statens vegvesen kan nytte hjullåsar for å hindre at køyretøy som har fått forbod blir nytta.
– Han hadde stått og venta der i fleire dagar, men så tok han eit bevisst val og køyrde.
– Hadde dei klart å få lastebilen på vogntoget på Kjøs?
– Det hadde gått med litt hjelp. Han burde spurt om hjelp i staden for å køyre til Nordfjordeid.