Det var i midten av juni at Utrykkingspolitiet stoppa mannen på Bjørvikstranda på fylkesveg 57 i Gaular. Farta vart målt til 144 km/t på strekninga der det er 60-sone.
I dommen frå Sogn og Fjordane Tingrett står det at mannen tilstod råkøyringa i retten og det har gitt han litt lågare straff.
Likevel må han sone 36 dagar i fengsel og han er fråteken retten til å ha førarkort i tre år frå den dagen førarkortet vart tatt. Han må også ta ny førarprøve før han kan få førarkortet tilbake.