Selskapa som no har fått konsesjon på matfiskoppdrett for laks og aure, er Landøy Fiskeoppdrett i Askvoll, eitt av Firda Canning sine anlegg i Bremanger, Osland Havbruk AS i Høyanger og Sulefisk AS i Solund.
Forundra
Ulf Lem i Firda Canning er svært glad for å ha fått ein av dei nye konsesjonane. Men han er forundra over at det til deira konsesjon – i motsetnad til dei andre – er knytta særskilde vilkår.
Unik produksjon
Regiondirektør i Fiskeridirektoratet, Rolv Petter Vetvik, fortel at grunnen til at Firda Canning har fått det gullkanta papiret, er at dei som einaste verksemd i landet lagar hermetisk laks – ein produksjon som krev kontinuerleg tilgang til ferskt råstoff. Dersom denne produksjonen stoggar eller blir kraftig redusert, kan konsesjonen dragast attende.