NRK Meny
Normal

Konkurrerer om knurrande magar

FØRDE (NRK): Endå ein spisestad er opna i byen. Dette er den tredje hurtigmatkjeda som etablerar seg i sentrum, side om side med fleire andre som alle ynskjer seg dei same kundane.

Dei etablerte restaurantane i byen fryktar ikkje den nye "fast-food"-kjeda.

STOR KONKURRANSE: Det vert stadig fleire om beinet hjå spisestadane i sentrum.

– Eg trur de har venta lenge på dette, seier Bahi Veraasingam, dagleg leiar i den nyopna Burger King i Førde.

Bahi Veraasingam
Foto: Josef Benoni Ness Tveit / NRK

Veraasingham meiner bedriftene i Sunnfjord berre har godt av meir konkurranse.

– Men me driv med vårt, og kjem ikkje til å fokusere på å konkurrere ut andre, legg han til.

Om lag 30 ungdommar møtte opp då dørene på Burger King Førde gjekk opp for fyrste gong onsdag føremiddag.

ungt klientell

FOLKSAMT: Sjølv om det var føremiddag, var det kø ut døra på hurtigmatrestauranten.

Foto: Josef Benoni Ness Tveit / NRK

– Ikkje redd

Eva Cecilie Ødemark

IKKJE SKREMD: – Eg er ikkje redd dei, seier Ødemark. Ho meiner dei to serveringsstadane har forskjellige målgrupper.

Foto: Josef Benoni Ness Tveit / NRK

– Me har eit breiare tilbod enn slike kjeder, seier Eva Cecilie Ødemark, tilsett ved Førde Kro.

Ho meiner at kroa sitt tilbod med middagsmat trekk til seg ei anna kundegruppe.

– Me har jo ein del eldre kundar, eg trur dei kjem til å halde fram med å komme.

Maria Botn

HAR TRUA: Botn meiner dei etablerte spisestadane har lojale kundar.

Foto: Josef Benoni Ness Tveit / NRK

Fleire andre spisestadar i sentrum fortel det same som Ødemark til NRK; at dei kjem til å halde på kundane sine.

– Me merkar det nok i byrjinga, at folk ynskjer å prøve ut nye tilbod, men eg trur det kjem til å jamne seg ut etter kvart, seier Maria Botn, skiftleiar på ein lokal pizzeria.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.